Tag: village

ಗ್ರಾಮದೇವತೆ ಭಕ್ತರಿಂದ ಗೌರವಾರ್ಪಣೆ Tumkurnews.in ತುಮಕೂರು: ನಗರದ ಚಿಕ್ಕಪೇಟೆಯ ಪೇಟೆ ಗ್ರಾಮದೇವತೆ ಅಮ್ಮನವರ ದೇವಸ್ಥಾನದ ಭಕ್ತರು ಸಮಾಜಸೇವಕಿ ಪೂರ್ಣಿಮಾ ವಿಶ್ವನಾಥ್ ಅವರನ್ನು ಸನ್ಮಾನಿಸಿ ಗೌರವಿಸಿದರು. ಪೂರ್ಣಿಮಾ ಅವರ ಪತಿ ವಿಶ್ವನಾಥ್ ಅವರು ಪ್ರತಿ ವರ್ಷ ಈ ದೇವಸ್ಥಾನದಲ್ಲಿ ನವರಾತ್ರಿ ಪೂಜಾ ಕೈಂಕರ್ಯಗಳಲ್ಲಿ ಪಾಲ್ಗೊಂಡು ಅನ್ನಸಂತರ್ಪಣೆ ವ್ಯವಸ್ಥೆ ಮಾಡುತ್ತಾ ಬಂದಿದ್ದರು. ಇತ್ತೀಚೆಗೆ ವಿಶ್ವನಾಥ್ ಅವರು ನಿಧನರಾಗಿದ್ದು, ಪತಿ ಮಾಡುತ್ತಿದ್ದ ಸೇವಾ ಕಾರ್ಯವನ್ನು ಪೂರ್ಣಿಮಾ ಮುಂದುವರೆಸಿದ್ದರು. ಅವರ ಸೇವೆ ಗೌರವಿಸಿ ಸಮಾಜಸೇವಕ ನಟರಾಜಶೆಟ್ಟರು ಹಾಗೂ ಭಕ್ತರು ಪೂರ್ಣಿಮಾ ಅವರನ್ನು ಸನ್ಮಾನಿಸಿದರು.